Bella Aurora

Bella Aurora var stofnað árið 1890 í Aurora í Bandaríkjunum, það þýðir að varan hefur verið á markaði í 130 ár! Vörumerkið er mjög þekkt á Spáni og hafa kremin prýtt hillur kvenna í margar kynslóðir (svipað og bláa Nivea dollan inni á baði hjá ömmu/mömmu í áranna rás).
Það sem skilur Bella Aurora að frá öðrum húðvörumerkjum er sérstaðan í vörum sem erum sérstaklega framleiddar fyrir húð sem er að berjast við blettamyndun, hvort sem hún er af völdum sólar, aldurs, hormóna eða bólgna í húð. Allar vörur sem Bella Aurora framleiðir eru hannaðar til þess að berjast við bletti eða koma í veg fyrir blettamyndun, en jafna að auki húðlit, gefa húðinni aukinn ljóma og berjast gegn áhrifum öldrunar.
Bandarískt/Spænskt merki stofnað árið 1890. Vörur merkisins eru hannaðar til þess að berjast við dökka bletti í húð.

Hvað veldur blettum

Dökkir blettir í húð geta verið af ýmsum toga og verða til við aukna melanín framleiðslu í húðinni. Blettir eru til dæmis freknur, sólarblettir, elliblettir eða fæðingarblettir. Hormónabreytingar geta valdið aukinni blettamyndun og það er ekki óalgengt að konur fái melasma við þungun eða við inntöku á getnaðarvarnarpillum.
Sólin er þó algengasti skaðvaldurinn þegar kemur að brúnum blettum þar sem melanín framleiðsla eykst til þess að verja húðina frá bruna. Þeir sem eru með ljósa húð eru í meiri hættu á að fá sólarbletti en aðrir.

Hvernig get ég komið í veg fyrir blettamyndun
Til þess að koma í veg fyrir blettamyndun og/eða halda henni niðri er nauðsynlegt að nota sólarvörn með háum varnarstuðli daglega, allan ársins hring og endurnýja reglulega. Það þarf að hafa í huga að ef sólin fær að skína á svæði sem er óvarið getur jafnvel margra mánaða meðferð við blettum fengið bakslag.
Skrúbbur er einnig mjög mikilvægur í meðferð og forvörn við blettum þar sem hann hraðar frumuendurnýjun og lýsir húðina.

Bella Aurora lógó